Вывучаем мову цікава і займальна разам. 1 кл

Рабочы сшытак па вусным курсе ў 1-м класе (з наклейкамі)

Колькасць старонак: 68 стар., 1 ліст наклеек А4, двухколерны друк.

Выданне змяшчае заданні па засваенні і замацаванні тэматычнага матэрыялу вуснага курса па беларускай мове ў 1-м класе ўстаноў агульнай сярэдняй адукацыі з рускай мовай навучання, фарміраванні першасных навыкаў чытання і вымаўлення, актывізацыі лексічнага запасу, развіцці і замацаванні графічных навыкаў пісьма. Матэрыял падабраны з улікам тэматычнага прынцыпу, пададзены ў займальнай форме, што дазволіць заахвоціць першакласнікаў да вывучэння роднай мовы.

Адрасуецца вучням 1-х класаў.

Вартасці дапаможніка:

◆ Сшытак адпавядае вучэбнай праграме, каляндарна-тэматычнаму планаванню і падручніку.

◆ Прадстаўлены разнастайныя заданні розных тыпаў.

◆ Матэрыял да кожнага ўрока ўключае заданні займальнага характару, якія павышаюць матывацыю да вывучэння прадмета: красворды, скорагаворкі, чыстагаворкі, прыказкі і інш.

◆ Большасць заданняў мае канструктыўны характар (дагаварыць склад да цэлага слова; пераставіць літары так, каб атрымалася слова; уставіць у сказы патрэбныя па сэнсе словы і інш.) і прадугледжвае непасрэдную работу першакласнікаў у самім дапаможніку (абвесці, злучыць, расфарбаваць і г. д.).

◆ Прадстаўлены заданні да тэм кожнага ўрока.

◆Найбольш зручны фармат у выглядзе рабочага сшытка, які вырашае задачу замацавання атрыманых ведаў і не патрабуе ад педагога набору, раздрукоўкі заданняў для кожнага вучня.

◆ Прадстаўлены лексічны мінімум па кожнай вывучанай тэме.

◆ Наяўнасць заданняў для развіцця маторыкі і фарміравання і замацавання навыкаў пісьма.

◆ Наяўнасць заданняў для фарміравання першасных навыкаў чытання.

◆ Наклейкі і двухколерны друк будуць садзейнічаць павышэнню матывацыі да вывучэння беларускай мовы