Рознаўзроўневы дыдактычны матэрыял па беларускай мове. 3 клас

Выданне ўяўляе сабой рознаўзроўневы дыдактычны матэрыял па беларускай мове для 3-га класа, які прызначаны для арганізацыі дыферэнцыраванай работы вучняў. У першым блоку карткі падзелены на два варыянты. Карткі 1-га варыянта прапануюцца дзецям з сярэднім і нізкім тэмпам працы. Карткі 2-га варыянта могуць быць прапанаваны дзецям, якія паспяхова спраўляюцца з праграмным матэрыялам, шостае заданне адрасавана вучням для падрыхтоўкі да алімпіяды па беларускай мове. У другім блоку прадстаўлены карткі з заліковымі работамі, якія ўключаюць заданні па ўсіх пройдзеных у пэўнай чвэрці тэмах.

Дапаможнік падрыхтаваны ў адпаведнасці са зместам вучэбнай праграмы па беларускай мове для 3-га класа школ з рускай мовай навучання.

Адрасуецца настаўнікам пачатковых класаў.

Вартасці дапаможніка

◆ У дапаможніку прадстаўлены карткі з рознаўзроўневымі заданнямі па кожнай тэме для кожнага ўрока, матэрыял разнастайны па змесце і тыпах заданняў. 

◆ Частка заданняў носіць займальны характар.

◆ У межах кожнага варыянта адбываецца дыферэнцыяцыя па 5 узроўнях засваення матэрыялу (ад больш простага да складанага).

◆ Для 2-га варыянта прадстаўлена шостае заданне павышанага ўзроўню складанасці. Да заданняў № 6 прадстаўлены адказы.

◆ У дапаможніку ў другім блоку прапанаваны карткі для кантролю засваення ведаў па выніках кожнай чвэрці. Карткі першага блока таксама можна выкарыстаць для тэматычнага кантролю.

◆ Для правядзення стымулюючых заняткаў з дапаможніка можна выкарыстаць 2-і варыянт 2 картак асноўнага блока. Для правядзення падтрымліваючых заняткаў з дапаможніка можна выкарыстаць 1-ы варыянт картак асноўнага блока.

◆ Ва ўводзінах прадстаўлены рэкамендацыі педагогу аб тым, якім чынам можна выкарыстаць карткі дапаможніка.

◆ Кожная картка размяшчаецца на асобнай старонцы (па аб’ёме можа займаць 1–2 старонкі).