Рабочы сшытак па беларускай мове. 4 клас

Выданне ўяўляе сабой рабочы сшытак па беларускай мове, падрыхтаваны ў адпаведнасці з вывучаемымі тэмамі па прадмеце «Беларуская мова» ў 4-м класе. Асаблівасцю дадзенага сшытка з’яўляецца яго паўрочная структура і змест кожнай тэмы, заснаваныя на логіцы вывучэння вучэбнага матэрыялу, якія ўключаюць чыстапісанне, слоўнікава-арфаграфічную работу, разнастайныя рознаўзроўневыя стандартныя і займальныя заданні, а таксама арыгінальную рэфлексію.

Асаблівая ўвага ў сшытку нададзена развіццю маўлення вучняў з дапамогай выканання заданняў на словаўтварэнне, удакладненне сэнсу прыказак, устойлівых выразаў, падрыхтоўцы да напісання пераказаў і сачыненняў. Выданне можа быць выкарыстана як дадатковы матэрыял для замацавання ведаў, арганізацыі самастойнай работы і ў пазаўрочнай дзейнасці.

Адрасуецца вучням 4-х класаў.

Вартасці выдання

◆ Структура і змест кожнай тэмы адпавядаюць структуры ўрока.

У кожным уроку прадстаўлены:

* матэрыял для арганізацыі чыстапісання з магчымасцю самаацэнкі дадзенага віда дзейнасці;

* матэрыял, накіраваны на актуалізацыю ведаў і ўменняў вучняў.

* матэрыял для правядзення слоўнікава-арфаграфічнай работы;

* разнастайныя рознаўзроўневыя стандартныя і займальныя заданні 3, 4, 5 узроўняў, накіраваныя на замацаванне вывучанага на ўроку матэрыялу;

* матэрыял для правядзення рэфлексіі з выкарыстаннем устойлівых выразаў, сінонімаў, антонімаў, прыказак і г. д.

◆ Кожны ўрок змешчаны на асобнай старонцы.

◆ Частка заданняў мае ілюстрацыі і займальную форму.